КГНТ компаниясы Шанхайда (ҚҰР) өткен мұнай-газ және химия өнеркәсібі үшін жабдықтарды сатып алу жөніндегі 16-шы Қытай саммитіне (CSSOPE 2026), сонымен қатар «Қытай – Қазақстан: сатып алу, оқшаулау және мұнай-газ саласындағы технологиялық серіктестік» атты 1-ші сессияға қатысып қайтты. Қатысуға шақырту КГНТ компаниясын Қазақстанның инженерлік әлеуетін ілгері бастыруға және энергетикалық секторда халықаралық ынтымақтастықты дамытуға қабілетті стратегиялық қатысушы ретінде тану болып табылады.

Шақыртылған спикер ретінде КГНТ Қазақстан Республикасы Энергетика Министрлігінің, Қазақстан Республикасының Шанхайдағы Бас консулдығының, «ҚазМұнайГаз» (ҚМГ) МК» АҚ және Қазақстанның энергетикалық саласын таныстыратын басқа жетекші ұйымдардың өкілдерімен қатар сөз сөйледі. Бұл халықаралық алаңда КГНТ-ның сараптамалық әлеуетін көрсету және Қазақстанның инженерлік құзыреттерін ұсыну үшін керемет мүмкіндік болды.

КГНТ делегациясының құрамына жоғары басшылық, инженерлік блок және бизнесті дамыту департаментінің өкілдері кірді, бұл компанияға қытайлық EPC-мердігерлерімен, жабдықтарды жасаушылармен, технологияларды жеткізушілермен, инвесторлармен және жетекші энергетикалық компаниялардың өкілдерімен тиімді өзара әрекет етуге мүмкіндік берді. Делегацияның пәнаралық құрамы КГНТ-ның жобаның өмірлік циклінің барлық кезеңдерінде кешенді инженерлік шешімдерді ұсыну қабілетін айқын көрсетті.

Конференция барысында КГНТ компанияның 50 жылдан астам тарихын, инженерлік құзыреттерін, жүзеге асырылған жобалардың портфелін, техникалық сараптамасын және кадрлық әлеуетін таныстырды. Өнеркәсіптің әртүрлі салаларында күрделі инженерлік жобаларды сәтті жүзеге асыру тәжірибесін ұсына отырып, компания жергілікті терең сараптамасын, жоғары білікті мамандарды және жобаларды жүзеге асыру бойынша кешенді қызметтерді ұсыну арқылы халықаралық серіктестерді қолдауға дайын екендігін көрсетті.

Конференция ауқымды халықаралық аудиторияны, соның ішінде операторларды, EPC-мердігерлерін, жабдықтарды жасаушыларды, технологияларды жеткізушілерді, инвесторлар мен бүкіл әлемнен келген сатып алу жөніндегі мамандарды біріктірді. Тыныстырылымдардың, панельді талқылаулардың және іскерлік кездесулердің арқасында КГНТ қытай нарығындағы өз позициясын нығайта түсті, сонымен қатар Қазақстанды инженерлік ынтымақтастық пен өнеркәсіптік дамыту үшін тартымды бағыт ретінде ұсынды.

Бірқатар перспективалық қытайлық EPC-мердігерлерімен және технологиялық компаниялармен келіссөздер жүргізу қатысудың негізгі нәтижелерінің бірі болды. Талқылаулар халықаралық тәжірибені КГНТ-ның жергілікті терең инженерлік сараптамасымен, нормативтік талаптарды білуімен және жобаларды жүзеге асыру бойынша мол тәжірибесімен біріктіру есебінен Қазақстанда болашақ жобаларды бірлесіп жүзеге асыру мүмкіндіктеріне шоғырланды.

CSSOPE 2026 конференциясына қатысу КГНТ-ның ұзақ мерзімді халықаралық серіктестікті дамытуға, оқшаулау бойынша бастамаларды қолдау және энергетикалық сала үшін әлемдік деңгейдегі инженерлік шешімдерді ұсыну бейілділігін растады. Конференция барысында орнатылған іскерлік байланыстар Қазақстан мен Қытай арасындағы болашақ ынтымақтастық пен жаңа бизнес-мүмкіндіктерді дамыту үшін берік негізді қалыптастырады.

KGNT компаниясы WorleyParsons Kazakhstan басшылығын қабылдады
KGNT инжиниринг компаниясы ұйымдар арасындағы берік көпжылдық серіктестік қарым-қатынастарды растай отырып, WorleyParsons Kazakhstan компаниясының басшылығымен жұмыс кездесуін өткізді және Қазақстанның энергетикалық секторындағы стратегиялық жобаларды жүзеге асыруда одан әрі ынтымақтастық перспективаларын талқылады.
Делегацияны KGNT Бас директоры Александра Бекишева қарсы алды. Кездесу барысында тараптар серіктестікті нығайту, ынтымақтастықтың жаңа бағыттарын дамыту және Қазақстан аумағында ірі энергетикалық және өнеркәсіптік жобаларға қатысу мүмкіндіктерін кеңейту мәселелерін талқылады.
WorleyParsons Kazakhstan делегациясын «WorleyParsons Kazakhstan» ЖШС Бас директоры Акшай Савант басқарды.
Кездесу шеңберінде қонақтар KGNT қызметімен танысты, компанияның офисін аралап шықты. Оларға жұмыстың негізгі бағыттары, жобаларды жүзеге асыру амалдары, корпоративтік мәдениет, еңбек қауіпсіздігін қамтамасыз ету жүйесі мен компанияның кәсіби стандарттары ұсынылды. Боалашақта өзара әрекет ету перспективаларына, бірлескен бизнес-мүмкіндіктерді дамытуға және Қазақстанның мұнай-газ, мұнай химиясы және энергетикалық салалары бойынша жобалардағы ынтымақтастықты кеңейтуға айрықша көңіл бөлінді.
Бүгінде KGNT көпжылдық халықаралық тәжірибесіне сүйене отырып және саладағы жетекші операторлар — North Caspian Operating Company (NCOC), Tengizchevroil (TCO) және Karachaganak Petroleum Operating (KPO) компанияларымен ынтымақтаса отырып, жобаларды сәтті жүзеге асырып келеді. Халықаралық серіктестермен ұзақ мерзімді өзара әрекет ету кәсіби сараптамамен алмасуға, үздік әлемдік инженерлік тәжірибелерді ендіруге және жобаларды басқаруда заманауи тәсілдемелерді пайдалануға ықпалын тигізеді.
Кездесудің қорытындылары бойынша тараптар жаңа ортақ жобаларды жүзеге асыру арқылы ынтымақтастықты одан әрі дамыту мен ұзақ мерзімді құныдылықтарды қалыптастыруға өзара қызығушылығын растады.
Кездесуді аяқтай отырып, WorleyParsons Kazakhstan өкілдері KGNT-дағы жұмысты ұйымдастыру деңгейінің жоғары болуын, дамыған корпоративтік мәдениетті, қызметкерлердің кәсіпқойлығын және компанияның қауіпсіздік мәселелеріне бейілділігінің әрдайым жоғары деңгейін ерекше бағалады.
Осындай кездесулер сенімге, кәсіпқойлық пен жалпы құндылықтарға негізделген тұрақты серіктестіктің ауқымды жобаларды сәтті жүзеге асыру және Қазақстанның энергетикалық саласын одан әрі дамыту үшін берік негіз болып табылатындығын растайды.
KGNT болашаққа сеніммен қарайды және халықаралық серіктестікті дамыту нәтижесінде жаңа мүмкіндіктерді ашатын WorleyParsons Kazakhstan компаниясымен алдағы жемісті ынтымақтастыққа сенеді.

2026 жылғы 2 маусым күні «КАЗГИПРОНЕФТЕТРАНС» ИНЖИНИРИНГ КОМПАНИЯСЫ» ЖШС-тың (KGNT) жоғары басшылығы Қазақстан Республикасының «Атамекен» ұлттық кәсіпкерлер палатасы Ritz-Carlton Astana қонақ үйінде ұйымдастырған жабық іскерлік кешке барып қайтты. Іс-шара Гонконг Арнайы әкімшілік ауданы Басшысының Қазақстанға ресми сапарының шеңберінде өтті.

Кеш ең ірі компаниялар мен қаржы институттарының өкілдерін біріктірген жоғары деңгейлі Гонконгтан Қазақстанға бизнес-миссиясының шеңберінде өтті. Қазақстан Республикасы Премьер-Министрінің орынбасары Серик Жумангаринмен Өзара түсіністiк туралы меморандумға қол қою сапардың негізгі нәтижесіне айналды, бұл Қазақстан мен Гонконг арасындағы экономикалық және іскерлік ынтымақтастықты одан әрі нығайтуға ықпалын тигізеді.

KGNT «Атамекен» ҰКП-ның қызметіне толық қолдау көрсетеді және шетелдік инвестицияларды тартуға және халықаралық серіктестікті дамытуға бағытталған бірлескен бастамаларды жүзеге асыруға белсенді қатысуға дайын екендігін растайды.