Жақсы жаңалықпен қуана бөлісеміз: КГНТ қызметкерлері Quality Management Center-да оқуларын сәтті аяқтады. Олардың алған білімі компанияның менеджмент жүйесін қолдап қана қоймай, ISO 9001:2015, ISO 14001:2015 и ISO 45001:2018 стандарттарына сай келе отырып жақсартатын болады. Алдағы уақытта бізді ISO 19011:2018 ұсынымына сай ішкі аудит күтуде. Жаңа білім мен үздіксіз дамуға талпынған әріптестерімізді мақтан тұтамыз.
2019 жылғы 25 желтоқсанда «КАЗГИПРОНЕФТЕТРАНС» ИНЖИНИРИНГ КОМПАНИЯСЫ» ЖШС-тың бас офисінде тайм-менеджмент бойынша корпоративтік тренинг өтті. Әлемде ең танымал бизнес-тренер Глеб Архангельскийдің ықыласты жетекшілігімен біздің әріптестер уақытты басқару шеберлігін меңгерді.
Тренинг аясында «жұмыстық-жеке» теңгерімі, мақсатты тұжырымдау, сандық көмекшілер, құнды секундтар мен минуттарды барынша тиімді бөлу мүмкіндіктері сияқты маңызды тақырыптар талқыланды.
Оқу іс-шарасы аяқталған соң Глеб қызметкерлер үшін естелік тілектері мен қолтаңбасын қуана қалдырды, ал оған КГНТ командасының атынан керемет күн туралы естелікке сыйлық табысталды.
“КАЗГИПРОНЕФТЕТРАНС” ИНЖИНИРИНГ КОМПАНИЯСЫ” ЖШС IPMA Delta® моделі бойынша компанияны халықаралық сертификаттаудан сәтті өтті.
КГНТ әлемдегі «Басқарушы» жоғарғы IV құзыреттілік сыныбына сәйкестікті растаған азғана ұйымдардың бірі және IPMA Delta® V 4.0 жаңа стандарты бойынша IV құзыреттілік сыныбына ие әлемдегі бірінші және жалғыз сертификатталған ұйым болып табылады.
Қазақстандық Жобаларды Басқару Қауымдастығы ұйымда стандарттардың, құрылым мен жобаларды, бағдарламаларды және портфельдерді басқару процестерінің болуын және олардың бүкіл ұйымда қолданылуын және басшылық тарапынан бақыланылуын белгілейтін сертификатты табыстады.
Бағалауды техникалық ғылымдар докторы, Украина ғылымдар академиясының, Нью-Йорк ғылымдар академиясының академигі, Қазақстандық Жобаларды Басқару Қауымдастығының (IРМА) Директорлар кеңесінің мүшесі, IPMA Delta халықаралық асессорлар тобының жетекшісі, жетекші асессор – Бушуев Сергей Дмитриевич (Украина) және экономикалық ғылымдар кандидаты, IPMA (A), MBA, IPMA Delta асессоры – Мурзабекова Светлана Викторовна (Қазақстан) жүзеге асырды. Бағалауға сонымен қатар Қазақстандық Жобаларды Басқару Қауымдастығының директоры, э.ғ.к., доцент, IPMA жоба менеджері – Хусаинова Майра Хабижановна (Қазақстан) және ҚЖБҚ сертификаттау орталығының басшысы Сайдуллаев Рахматулло (Қазақстан) қатысты.
Жобаны басқару құзыреттілігінің сыныбын халықаралық бағалау және ұйымды IPMA Delta® моделі бойынша сертификаттау – ұйымның халықаралық стандарттарға және үздік тәжірибелерге сәйкес жобаларды басқару бойынша нақты табыстылығы мен әлеуетті қабілетін тәуелсіз бағалау. Бұл бүкіл әлемде танылған менеджменттің және жобаларды, бағдарламалар мен жобалар портфелін басқару сапасының жоғары деңгейі. Сертификатталған ұйымдар бірыңғай халықаралық тізілімге енгізіледі. IPMA Delta® сертификаты әлемнің 70-тен астам елдерінде танылады.
Алматы қаласындағы бас офисте OSUNG PLANT жетекші корей компаниясының өкілдерімен сауда-экономикалық және іскерлік ынтымақтастық мәселелері бойынша кездесу өтті. Айтулы кездесудің қорытындылары бойынша «КАЗГИПРОНЕФТЕТРАНС» ИНЖИНИРИНГ КОМПАНИЯСЫ» ЖШС пен OSUNG PLANT Co., LTD корей компаниясының арасындағы ынтымақтастық туралы меморандумға қол қойылды.
OSUNG PLANT компаниясының TCO Chevron, Inpex, Statoil, DynaGas, басқасы сияқты шетелдік жобаларды іске асыру тәжірибесі көп. Ынтымақтастық туралы меморандумға қол қою Қазақстан Республикасының аумағында стратегиялық серіктестікті бастауға мүмкіндік береді.
КГНТ қауіпсіздік саласындағы жаңа нәтижеге қол жеткізді – оқыс оқиғалар және оқиғалар бойынша нөлдік көрсеткішпен 8 000 000 адам-сағат! Аталған оқиға компанияда қолданылатын «Safety 360» бағдарламасының, сондай-ақ үлкен ұжымның еңбек қауіпсіздік саласында салған бірлескен күшінің арқасында орын алды. «Safety 360» бағдарламасы қауіпсіз еңбек мәдениетінің деңгейін арттыруға және қауіпті факторлардың қызметкерлер мен олардың туыстарының өмірі мен амандығына тиетін әсерін барынша азайтуға бағытталған.
Осы оқиғаға орай компания қауіпсіздік мәдениетін жалпы дамытуға бейілділік пен қосқан үлесі үшін әрбір қызметкерге естелік кәдесыйлар дайындады.
Компанияның әкімшілігі өзінің әрбір үндеуінде бірыңғай ойды жолдайды: «Қауіпсіздік өзімізден басталады, сондықтан айналамыздағы адамдарға бей-жай қарамайық және өзіміз бен туыстарымыз үшін қауіпсіздік қағидаларын сақтау арқылы барынша күш салайық!»
Ағымдағы жылы 29 қарашада «Халықаралық жасыл технологиялар және инвестициялық жобалар орталығы» КЕАҚ құрған Ғылыми-техникалық кеңестің 1-ші отырысы өтті. Ғылыми-техникалық кеңестің тәуелсіз сараптамалық комиссиясына инженерия саласындағы жетекші ғалымдар, «Болашақ» бағдарламасы бойынша тағылымдамадан өткен жас мамандар, өндірістің ірі мамандары, «Атамекен» ҰКП-дан келген бизнес өкілдері, мемлекеттік қайраткерлер, Қазақстан Республикасының Мәжіліс және Парламент депутаттары кірді. КГНТ компаниясының атынан тәуелсіз сараптамалық комиссияның құрамына Инновациялар және маркетинг жөніндегі басқарушы директор Тарасов Геннадий Александрович және жобаның бас инженері Шатов Евгений Иванович кірді.
ҒТК «Қалдықтарды басқару», «Тұрақты энергоресурстар», «Тұрақты қала (жасыл инфрақұрылым)», «Тұрақты ауыл шаруашылығы», «Экология, қоршаған ортаны қорғау» бағыттары бойынша жұмыс істейтін болады. ҒТК ұсынылатын осы немесе өзге технологиялардың тиімділігін, олардың жергілікті жағдайларға бейімділігін және т.б. бағалайды.
IGTIC – «Халықаралық жасыл технологиялар және инвестициялық жобалар орталығы» КЕАҚ 2018 жылдың сәуір айында тұңғыш президент Елбасы Нұрсұлтан Назарбаевтың бастамасымен АСТАНА ЭКСПО-2017 көрмесінің ғылыми және технологиялық мұрасын жалғастыру және дамыту үшін құрылды.
“КАЗГИПРОНЕФТЕТРАНС” ИНЖИНИРИНГ КОМПАНИЯСЫ” ЖШС біздің әріптесіміз, досымыз және серіктесіміз КГНТ бас директорының жобаларды шетелде іске асыру жөніндегі орынбасары Мандария Тадеоз Давидовичтің ағымдағы жылдың 27 қарашасында қайтыс болғандығын қайғыра отырып хабарлайды.
Жобалау өндірісін ұйымдастыру мен жобалауда инженерлік және басшылық лауазымдардың барлық сатыларынан жоғары дәрежеде өтіп, Тадеоз Давидович Қазақстандық Жобалау институттарын тұрақты түрде басқарды. Осылайша, 2004 жылдан бастап 5 жыл бойы Тадеоз Давидович Инжиниринг жөнінде директор, кейін КГНТ президенті қызметтерін атқарды. Сонымен қоса, 2009 жылдан 2012 жылға дейін ол Шымкент мұнай өңдеу зауытын жаңарту жобасын басқарды, ал 2012 жылдан бастап қазіргі уақытқа дейін Фарнбородағы KPJV бірлескен кәсіпорнында Теңіз кен орнын болашақта кеңейту жобасында және шетелде іске асырылатын басқа да жобаларда КГНТ мүдессін қорғай отырып, халықаралық жобаларды басқарып келді.
Тадеоз Давидович компанияның дамуына ғана емес, сонымен бірге жалпы Қазақстан Республикасының мұнай-газ және энергетика салаларының дамуына да баға жетпес елеулі үлес қосты. Сіңірген еңбегі үшін Тадеоз Давидович «Қазақстан Республикасының Құрметті құрылысшысы» және «Қазақстан Республикасының мұнай-газ саласының Еңбек сіңірген қайраткері» сияқты құрметті атақтармен және мемлекеттік органдардың ведомстволық наградаларымен марапатталды.
КГНТ үшін Тадеоз Давидович тек өз ісінің маманы ғана емес, сонымен бірге керемет тәлімгер және парасатты көшбасшы бола білді. Тадеоз Давидовичтің белсенділігі, жарқын жүзділігі, іскерлілігі мен жігерлілігі біз үшін әрқашан да үлгі.
Тадеоз Давидович компания мен еліміздің өнеркәсіп саласының тарихында қуатты қайраткер және мықты басшы ретінде мәңгі қалады. Оны компаниямыздың мақтанышы деп есептейміз және бізге берген өнеркәсіптік қызметтегі білімдері мен дағдыларын сақтап, оларды одан әрі арттыруға бар күшімізді саламыз.
Тадеоз Давидовичтің жарқын бейнесі біздің есімізде мәңгі сақталады.
Алматы қаласындағы КГНТ бас офисінде құрамына Чех Республикасы Елшілігінің сауда-экономикалық бөлімінен келген қонақтар – Петр Юрчик және Эльмира Тургаева, CzechTrade сауданы қолдау жөніндегі чех агенттілігінен – Marek Zmrzlik, сонымен қатар DIMER, Benvig Heat Transfer, FASTRA, DEKONTA, StemCon, Královopolská, SIGMA GROUP, AO MSA сияқты жетекші компаниялардың өкілдері кірген чех делегациясымен кездесу өтті. Кездесу барысында компаниялардың өкілдері өз қызметі туралы таныстырылым өткізді, өзара әрекет және ынтымақтастық жасау мәселелері талқыланды. КГНТ бас директоры Бекишева Александра Маратовна қонақтарға келгендері және КГНТ-ға қызығушылық танытқандары үшін алғысын білдірді, сондай-ақ одан әрі ынтымақтастық орнатуға қызығушылығын білдірді. Кездесудің ресми бөлігі аяқталған соң қонақтарға VR-бөлменің технологиялары көрсетілді.
