КГНТ қауіпсіздік саласындағы жаңа нәтижеге қол жеткізді — оқиғалар мен оқыс оқиғалар бойынша нөлдік көрсеткішпен 9 000 000 адам-сағат! Аталған жайт компанияда қолданылатын «Safety 360» бағдарламасының, сонымен қатар үлкен ұжымның еңбек қауіпсіздігі саласында бірлесе салған күшінің арқасында орын алды. «Safety 360» бағдарламасы қауіпсіз еңбек мәдениетінің деңгейін арттыруға және қауіпті факторлардың қызметкерлер мен олардың жақындарының өмірі мен амандығына тиетін әсерін барынша азайтуға бағытталған.

Компанияның әкімшілігі өзінің әрбір үндеуінде бірыңғай ойды жолдайды: «Қауіпсіздік өзімізден басталады, сондықтан айналамыздағы адамдарға бей-жай қарамайық және өзіміз бен жақындарымыз үшін қауіпсіздік қағидаларын сақтау арқылы барынша күш салайық!»

КГНТ» ИК» ЖШС компаниясы «ЦАТЭК GREEN ENERGY (ЦАТЭК Грин Энерджи)» ЖШС алдындағы «Жел энергиясын түрлендіру үшін қуаты 100 МВт «Астана EXPO-2017» жел электр стансасын салу» (50 МВт-қа арналған екінші іске қосу кешені) (бұдан әрі – ЖЭС) жобасын авторлық қадағалау бойынша қызметтерді көрсетуге арналған шарттың аясындағы өз міндеттемелерін сәтті орындап шықты.

Жобаның негізгі мақсаты экологиялық таза энергияны өндіруге және елдің энергетикалық қауіпсіздігін нығайтуға бағытталған озық технологияларды ендіру арқылы Қазақстан Республикасының энергетикалық секторын дамыту болып табылады. Жобаны іске асыру БҰҰ-ның Климаттың өзгеруі туралы негіздемелік конвенциясына Киото хаттамасының, сонымен қатар Қазақстан Республикасының Тұңғыш Президенті – Елбасы Нұрсұлтан Назарбаевтың республикамызда жасыл технологияларды дамыту арқылы «жасыл» мәдениетті қалыптастыру және экологиялық проблемаларды шешу жөніндегі бастамаларының аясындағы парниктік газдардың шығарындыларын азайту бойынша халықаралық міндеттемелерін орындауға ықпалын тигізеді.

ЖЭС Нұр-Сұлтан қаласының орталығынан солтүстік-шығыс бағытта, Ақмола облысы Аршалы ауданы Бұлақсай ауылдық округіндегі Костомар ауылының жанында орналасқан.

Жобада жел энергетикасының әлемдік көшбасшыларының бірі болып табылатын VESTAS компаниясы жасап шығарған, экстремалды төмен температуралық режимдерде жұмыс істеуге есептелген, жиынтық қуаты 100 МВт болатын 29 жел генераторын екі іске қосу кешенінде орнату көзделген:

I іске қосу кешені 2019 жылғы 26 тамызда пайдалануға сәтті ендірілді. Жобаның бірінші іске қосу кешеніндегі 15 жел турбинасының әрқайсысында биіктігі 84 метр мұнарасы бар, ротордың диаметрі 112 метр. Әрбір жел турбинасының номинал қуаты 3,45 МВт-ты құрайды;

II іске қосу кешенін жүзеге асыру 2020 жылғы 26 қарашада аяқталды. Екінші іске қосу кешенінің аясында әрқайсысының қуаты 3,45 МВт болатын 14 жел турбинасы орнатылды, мұнарасының биіктігі 80 метр және ротордың диаметрі 117 метр.

2020 жылғы 9 қазаннан бастап 19 қарашаға дейінгі кезеңде Компанияда «КГНТ Құндылықтарының Амбассадоры» конкурсы болып өтті, оған Бас офистегі қызметкерлерден бөлек, локациядағы қызметкерлер де қатыса алды. Конкурсқа қатысу үшін қызметкерлер Компания құндылықтарының жұмыста және жеке өмірде қалайша көмектесетіні туралы эссе жазуы немесе бейне түсіруі тиіс болды. Конкурс аяқталған соң, құрамына КГНТ компаниясының Бас директоры Александра Бекишева, Бас директордың жобалау жөніндегі орынбасары – Рустем Жанзаков, Бас директордың қаржы және әкімшілік ету жөніндегі орынбасары – Екатерина Югай, экономика және бизнесті дамыту жөніндегі директордың м.а. – Айдос Демісін, бас бухгалтер – Татьяна Цой және инновациялар және маркетинг жөніндегі басқарушы директор – Геннадий Тарасов кірген жеңімпаздарды анықтау жөніндегі комиссия дауыс беру арқылы бес фаворитті таңдады. Олардың әрқайсысы КГНТ Құндылықтарының құрметті Амбассадоры атанды! Әділ дауыс беру нәтижелері бойынша, бірауызды шешіммен басты жүлде – World Class Almaty фитнес-клубына жылдық абонемент Рысхан Жумагуловқа табысталды.

Есептелген дауыстар бойынша екінші орынға Эсмира Идоядова жайғасты. Үшінші орынды Шахрина Махаметова иеленді. Төртінші орын Альмира Сапаргалиеваға берілді және КГНТ Құндылықтарының бесінші Амбассадоры Наргиза Досимбаева болды. КГНТ Құндылықтары Амбассадорларының барлық жұмыстарын инстаграмдағы корпоративтік парақшадан көруге болады.

Жеңімпаздар анықталған соң КГНТ компаниясының Бас директоры Александра Бекишеваның өзі КГНТ Құндылықтарының Амбассадорларын құттықтап, естелік жүлделерді табыстады.

КГНТ Құндылықтарының Амбассадорларын шын жүректен құттықтаймыз және адамдарды Компанияның Құндылықтарымен рухтандыруды тілейміз! Өйткені КГНТ Құндылықтары – біз сенім артатын, күнделікті өмір жолымыздағы манар әрі құбылнама болып табылады!

19 – 23 қазан арасында «КГНТ» ИК» ЖШС бас офисіндегі қызметкерлер үшін Қазақстан Республикасы Ұлттық экономика министрінің м.а. 2015 жылғы 24 ақпандағы №128 «Міндетті медициналық қарап тексеруді өткізу қағидаларын бекіту туралы» бұйрығына сәйкес жыл сайынғы медициналық қарап тексеру өткізілді. Қызметкерлерге қолайлы болу үшін дәрігерлердің КГНТ офисіне келуі ұйымдастырылды.

КГНТ бас офисіндегі қызметкерлер үшін медициналық қарап тексеру өткізілген кезде барлық талаптар ескеріліп, қауіпсіздік шаралары сақталды.