«Атырау МӨЗ» ЖШС-пен (бұдан әрі – АМӨЗ) жасасқан Шарттың аясында 2020 жылғы қараша айынан желтоқсан айына дейінгі кезеңде HAZOP сессиясы – ЭЛОУ-АВТ-3 жүйесінің қауіптілік проблемаларын және жұмыс қабілеттілігін тәптіштеу және сәйкестендіру процесі сәтті өтті.

HAZOP сессиясы АМӨЗ аумағында өткізілді. Жобаның бүкіл кезеңі ішінде HAZOP сессиясының барысында КГНТ бас офисі қызметкерлерінің төрағалығымен КГНТ, АМӨЗ  және қосалқы мердігерлік ұйымдардың 17 маманы қатысты. КГНТ күштерімен барлық қатысушылар оқытудан өтті және сессияны өткізу жөніндегі егжей-тегжейлі жоспар әзірленді.

Егжей-тегжейлі қарастыру барысында ЭЛОУ-АВТ-3 қондырғысының құрамына кіретін 55 торап бойынша тәуекелдер мен қауіпті факторлар анықталып, талданды. Сессияның қорытындылары бойынша қауіпсіздік пен қоршаған ортаның тәуекел дәрежесін төмендетуге, сонымен қатар объектінің сенімді жұмысын ынталандыруға бағытталған 4 ескерту мен 7 ұсынымды қамтитын қорытынды есеп шығарылды.

Барлық жұмыстар тиісті сапада және белгіленген мерзімде орындалды, оны АМӨЗ 2021 жылғы 4 ақпандағы №62/419 шығыс хатымен жіберген ЭЛОУ-АВТ-3 қондырғысында HAZOP сессиясын өткізу туралы оң пікір куәландырады.

КГНТ салауатты өмір салтын жүргізу және өз қызметкерлерінің командалық рухын қолдау идеясын белсенді түрде ілгерілетуде. Осыған байланысты, 26 ақпанда офистің қабырғасында кезекті спартакиада өткізілді. Бұл Компаниямыздың спортты сүйетін және мақсатқа ұмтылған қызметкерлерін жыл сайын біріктіретін спорт және достық мерекесі.

Қорытындылар бойынша ерлер арасындағы жүлделі орындарды иеленген қызметкерлер:

1. Евгений Иванов
2. Евгений Уваров
3. Максим Риммер

Қыздар арасында:

1. Карина  Адильбекова
2. Виктория Кисселева
3. Джамиля Бекниязова

Қатысқаны үшін алғыс хаттар табысталған қызметкерлер: Борис Ли, Константин Доцок, Болат Махамбетов, Мая Бегалиева, Акмарал Джунусова, Инна Бедарева

Аталған іс-шараға қатысқаны, сондай-ақ ұжымда салауатты өмір салтын дәріптегені үшін барлық қызметкерлерге шын жүректен алғысымызды білдіреміз. Ең бастысы жеңіс емес, қатысу!

40 жыл мінсіз жұмыс – КГНТ Компаниясы үшін шын мәнінде баға жетпес еңбек!

2021 жылғы «28» қаңтарда «КАЗГИПРОНЕФТЕТРАНС» ИНЖИНИРИНГ КОМПАНИЯСЫ» ЖШС инновациялар және маркетинг жөніндегі басқарушы директор Тарасов Геннадий Александровичтің еңбек қызметінің бесінші онжылдығын тойлап жатыр.

Геннадий Александрович өнеркәсіптік, азаматтық құрылыс саласындағы заманауи инжинирингтік компанияның қалыптасу және нарықтағы көшбасшылық орынға жету процесіне белсенді қатысу арқылы жобалауды, құрылыс пен қазақстандық инжинирингтің дамуына едәуір үлес қосып келеді.

В.И. Ленин атындағы Қазақ политехникалық институтты «Мұнай және газ кәсіпшілігінің машиналары мен жабдықтары» мамандығы бойынша аяқтады.

Өзінің мансаптық жолын КГНТ қабырғасында тәжірибелік-конструкторлық жұмыстарды зерттеу бөлімінің аға инженерінен бастап, кейіннен тәжірибелік-конструкторлық жұмыстарды зерттеу бөлімінің жетекші инженері, құрылыстың жиынтықты-блокты әдісі секторының меңгерушісі, сектордың меңгерушісі, мемлекеттік және салалық нормативтік-техникалық құжаттаманы әзірлеу жетекшісі, нормативтік-техникалық құжаттама бөлімінің бастығы, бас инженердің орынбасары, сараптау-талдау бөлімінің бастығы, Мұнай және газ объектілерін жобалау институты директорының орынбасары, корпоративтік даму жөніндегі директор, жаңа өнімдер мен технологияларды іздестіру және дамыту жөніндегі директор, жабдықтар мен стандарттар дивизионының директоры, инновациялар және маркетинг жөніндегі басқарушы директор лауазымдарын атқарып келді, сонымен қатар өндірістік бөлімшенің жабдықтар секторына жетекшілік етті.

Тарасов Геннадий Александрович 12 инновациялық тәжірибелік-конструкторлық және ғылыми-техникалық әзірлемені дайындау мен ҚР халық шаруашылығына ендіру, соның ішінде Арнайы техникалық шарттарды әзірлей отырып, ТМД және ҚР мұнай-газ кешенінің тәжірибесіне автогаз құю станцияларын салу бойынша шығындарды 60 %-ға азайтуға және біріктірілген құю станцияларының экологиялық параметрлерін жақсартуға мүмкіндік беретін моноблокты орындау түріндегі автогаз құю станцияларын; инновациялық озық қауіпсіздік әдістерін – ҚР ҚН әзірлей отырып, мұнай-газ кешенінің объектілерін пайдалану кезінде қауіп деңгейін едәуір төмендетуге мүмкіндік беретін мұнай және мұнай өнімдері резервуарларындағы өртті сөндірудің аралық қабат тәсілін және ғимараттар мен имараттардың белсенді жайдан қорғау жүйелерін ендіру жұмыстарына басшылық жасады.

Геннадий Александрович отыздан астам жоғары білікті кадрлар мен менеджерларды тәрбиелей отырып, құрылыс, техникалық және басқарушылық бейініндегі мамандарды дайындау саласында, сонымен қатар мемлекеттік құрылыс нормативтері мен мұнай-газ кешенінің нормативтерін әзірлеу жөніндегі орталықты құруда және дамытуда көп еңбек сіңірді.

ҚР құрылыстық нормативтік базасын (ҚР ҚНмҚ, ҚР ҚН, ҚР ҚЖ, БҚ) жасау, мұнай-газ кешені үшін жаңа техника мен технологияларды жобалау, мұнай-газ кешенінің объектілерін, соның ішінде ҚР аумағында халықаралық жобаларды жобалау, жобалардың мемлекеттік сараптамасын келісу және жүргізу, халықаралық конференциялар мен семинарлар нысанында мұнай-газ кешенінің техникалық саясатын ұйымдастыру және жүргізу салаларында елеулі еңбек сіңірді, мұнай-газ кешеніндегі стандарттау, соның ішінде мұнай-газ кешенінің объектілерін жобалау бойынша ҚР Мемстандарттың техникалық комитеттерінің (ТК 88, ТК 89, ТК 90) жұмысына қатысты, «KAZENERGY» Ғылыми-техникалық кеңесінің жұмысына қатысты.

Геннадий Александрович ҚР экономикасы және жаңа техника мен технологияларды ілгерілету үшін оң экономикалық әсер берген мемлекеттік құрылыс нормативтерін, нормативтік-техникалық құжаттарды, сондай-ақ мұнай-газ кешенінің стандарттарын әзірлеу жетекшісі болып табылады.

КГНТ Геннадий Александровичтің компанияның қабырғасынан тыс жерде де танылғандығына қуана назарын аударады. Оның кәсібилігін Agip Caspian Sea, North Caspian Operating company (NCOC), «ҚазТрансОйл» АҚ, «Интергаз Орталық Азия» АҚ, «ПетроҚазақстан Ойл Продактс» ЖШС, Мәскеу қаласындағы «Ақпарат және инвестициялар» БҮ- «Мұнай-газ вертикалі» журналы сияқты серіктестері атап өтті. Бұдан бөлек, Геннадий Александрович төмендегі марапаттарға ие болды:

– 1985 ж. – автомобильдердегі майды ауыстыру қондырғысын әзірлегені және ендіргені үшін КСРО ХШЖК қола медалі;

– 1985-1986 жж. –  ҚазКСР Госкомнефтепродукт дипломдары.

– 2009 ж. – ҚР-да мұнай және газ өндіруді қарқындату бойынша жаңа техника мен технологиялар жөніндегі KazStimOil конференциясын ілгерілетуге және дамытуға қосқан үлесі үшін Энергетика және минералды ресурстар министрлігінің құрмет белгісі.

– 2012 ж. – «KAZENERGY» Қауымдастығының Құрмет грамотасы.

– 2014 ж. – ҚР Мұнай және газ министрлігінің «Мұнай-газ саласының еңбек сіңірген қайраткері» төсбелгісі.

КГНТ 40 жылдан астам уақыт бойы өз тәжірибесімен бөлісіп отырған, компанияны ғана емес, сонымен қатар бүкіл саланы дамытуға ықпалын қосып келе жатқан кәсіпқойды мақтан тұтады. Ұжым Геннадий Александровичті КГНТ компаниясындағы еңбек қызметінің 40 жылдығымен шын жүректен құттықтайды және ұзақ өмір, мықты денсаулық пен қызықты жобаларды тілейді!