07 Қар
2024

5с жеңімпаздары

Қыркүйек айының қорытындылары бойынша ай сайынғы конкурсымыздың жеңімпаздарын құттықтаймыз! 🎉

Болат Скатов «5С жүйесі бойынша ұйымдастырылған үздік жұмыс орны» номинациясы бойынша жеңіп шықты, ал сатып алу және әкімшілік ету бөлімінің ғимарат режимі жөніндегі секторы «5С жүйесі бойынша ұйымдастырылған үздік жұмыс кеңістігі» атағына ие болды! 🏆

Біз әрбір қызметкерге 5С қағидаттарын енгізу үшін салған күш-жігерлері үшін алғысымызды білдіреміз. Сіздердің еңбектеріңіз бен тәртіпке, қауіпсіздікке және тиімділікке ұмтылыстарыңыз біздің жұмыс процесімізді жақсырақ және өнімдірек етеді.

Жұмыс кеңістігін жақсартуға қосқан үлестеріңіз бен бейілділіктеріңіз үшін рақмет! Кемелдікке одан әрі ұмтыла берейік! 💪✨

05 Қар
2024

Геонавигация: Қазақстандағы жұмыс үлгісі

2024 жылғы 24 қазанда КГНТ Жас мамандар кеңесінің мүшелері SPE Инженер-Мұнайшылар Қоғамы ұйымдастырған «Геонавигация: Қазақстандағы жұмыс үлгісі» тақырыбындағы лекцияға барып қайтты.
ROGII компаниясының геонавигация жөніндегі инженері Диана Мендыбаева лектор міндетін атқарды және осы маңызды саладағы өз тәжірибесімен және білімімен бөлісті. Лекцияға қатысушылар Қазақстанда қолданылатын геонавигацияның заманауи тәсілдері мен технологиялары, сонымен қатар елде іске асырылатын негізгі жобалар туралы білді.
Іс-шараның демеушілері Chevron, ROGII және Rock Flow Dynamics компаниялары болды, бұл мұнай-газ саласы үшін талқыланатын тақырыптардың маңыздылығына және өзектілігіне айрықша назар аудартады.
Лекция жас мамандар үшін геонавигация саласы бойынша сұрақтар қоюға, пікір алмасуға және өз білімін тереңдетуге керемет мүмкіндік болды, бұл, сөзсіз, олардың кәсіби өсуіне ықпалын тигізетін болады

28 Қаз
2024

Ай сайынғы марапаттау

Ай сайынғы марапаттау

📸 КГНТ қызметкерлерін ай сайынғы марапаттау сәттерімен бөлісеміз! Әріптестеріміз жұмыстағы, спорттағы және оқудағы жетістіктері үшін лайықты марапаттарын алды. Біз олардың жетістіктерін мақтан тұтамыз және әрқайсысымыздың компанияның дамуына қаншалықты үлес қосып жатқанын көруге қуаныштымыз.

Бұдан бөлек, КГНТ командасына қосылған Жас мамандар кеңесінің жаңа мүшелерін қуана қарсы аламыз! Жарқын жетістіктер мен барлық идеяларды іске асыру үшін шабыт тілейміз.

#КГНТ #Марапаттау #Команда #kgnt50 #dreamteamkgnt

23 Қаз
2024

«GO DIGITAL EURASIA» конференция-көрмесі

КГНТ қызметкерлері Алматы қаласында 2024 жылғы 16-17 қазанда өткен ауқымды «GO DIGITAL EURASIA» конференция-көрмесіне қатысты. Бұл бизнес пен цифрлық түрлендіру көшбасшылары өз тәжірибесімен және инновациялық шешімдерімен бөліскен Орталық Азиядағы болашақ цифрлық технологияларды талқылау үшін арналған ең ірі алаң.

Іс-шара өткен екі күн ішінде 700-ден астам делегат пен 50 спикер кешенді ИТ-стратегияларды, ЖИ-ді қолдана отырып бизнес-процестерді оңтайландыру және Қазақстанда бұлтты технологияларды дамыту мәселелерін талқылады. КГНТ қызметкерлері компанияда цифрлық технологияларды одан әрі дамыту үшін бірегей білім мен шабыт алды.

18 Қаз
2024

ҚАЙЫРЫМДЫЛЫҚ

Қарттар күніне орай КГНТ қызметкерлері колдауға айрықша мұқтаж жандарға көмек көрсету үшін күштерін біріктірді. Компанияның қызметкерлері жиналған қаражатты Ұлы Отан соғысының ардагері мен «Шаңырақ» қарттар үйіне жіберді.

КГНТ Ұлы Отан соғысының ардагері Лидия Филипповнамен үнемі байланыста және қызметкерлеріміз оған жиі барып тұрады. Жақында КГНТ Жас мамандар кеңесі оған қажетті азық-түлік пен сыйлықтар апарып берді. Оның шынайы қуанышы мен алғысы біз үшін нағыз шабыт көзі болды.
Сонымен қатар біз «Шаңырақ» қарттар үйіне баруды ұйымдастырдық, қарттармен уақыт өткізіп, суық күндері жылу мен жайлылықты қамтамасыз ете отырып, оларға жылытқыштарды сыйладық. Олардың күлкісі мен ризашыл көздерін көру әрқайсысымыз үшін әсерлі және маңызды болды.
Осындай маңызды іске атсалысқан барлық қызметкерлерімізге шын жүректен алғысымызды айтамыз. Сіздердің қолдауларыңыз бізге аға буынға қамқорлық пен ілтипаттық атмосферасын жасауға, оны копоративтік мәдениетіміздің бір бөлігі етуге көмектеседі. Жұмыла отырып біз олардың өміріне одан да көп жылулық пен мейірімділік әкеле аламыз!

17 Қаз
2024

ALCOR BIMDAY 2024 КОНФЕРЕНЦИЯСЫ

Жақында Алматыда инфрақұрылымдық объектілерді пайдаланудағы озық шешідерді талқылау үшін 200-ден астам сарапшы мен бизнес өкілдерін жинаған, BIM саласындағы ең ірі — ALCOR BIMDAY 2024 конференциясы болып өтті. Қатысушылар HEXAGON және ETAP сияқты жетекші компаниялар ұсынатын ең жаңа әзірлемелермен танысты. Ерекше көңіл цифрлық телқосақтарға, энергияны тұтынуды талдауға және объектілердің өмірлік циклін басқаруды жақсартуға ықпалын тигізетін басқа инновацияларға бөлінді.

КГНТ үшөлшемді технологиялар жөніндегі бас маманы Данара Рахиева осы маңызды оқиғаға қатысушылардың бірі болды. Алынған білім мен идеялар міндетті түрде біздің жобаларда қолданылатын болады.

Біздің жаңалықтарымызды қадағалап отырыңыздар және әріптестеріміздің барлық жетістіктері мен оқиғаларынан хабардар болыңыздар!

#BIM #ALCORBIMDAY2024 #КГНТ #Инновациялар #ЦифрлықТелқосақтар#ЭнергетикалықТалдау#кгнт

04 Қаз
2024

ALMATY MARATHON» 2024

29 қыркүйекте КГНТ қызметкерлері «ALMATY MARATHON» 2024 марафонына қатысып, жоғары спорттық белсенділікті көрсете білді! Біздің командамыз Экиден Этафетасына, сонымен қатар 10 км қашықтыққа жүгіріске және скандинавиялық жүріске қатысты. 🏃‍♂️🚶‍♀️
Барлық қатысушыларға көрсеткен төзімділігі, мақсаткерлігі мен энергиясы үшін үлкен алғыс білдіреміз! Бұл спорттық жетістіктер ғана емес, сонымен қатар денсаулық пен белсенділікке деген қамқорлықтың өміріміздің ажырамас бөлігі бола алатындығын көрсететін айқын үлгі болып табылады.
КГНТ марафонның әрбір қатысушысын мақтан тұтады және салауатты өмір салтын қолдау, спорттық рух пен шабыт үшін алғыс айтады! 🌟👏 #КГНТ #АлматыМарафон2024 #СалауаттыӨмірСалты”

04 Қаз
2024

5с жеңімпаздары

2024 жылғы тамыз айындағы 5С жүйесі бойынша ай сайынғы байқауымыздың жеңімпазын құттықтаймыз! Виктор Кучугура «5С жүйесі бойынша ұйымдастырылған үздік жұмыс орны» санаты бойынша жеңімпаз атанды.

🔹Оның күш-жігері мен 5С қағидаттарына берілгендігі тиімділік пен жұмыс орнындағы тәртіпті арттыруға едәуір үлес қосуда.

🔹Барлық қатысушыларды құттықтаймыз және болашақта жаңа шыңдарға қол жеткізуде сәттілік тілейміз!

02 Қаз
2024

Орталық Азия мен Каспийдегі мұнай-газ химиясы және мұнай өңдеу» 11-ші халықаралық конференциясы

Орталық Азия мен Каспийдегі мұнай-газ химиясы және мұнай өңдеу» 11-ші халықаралық конференциясы

19.09.2024 ж. «2024 жылғы 17-18 қыркүйекте Аcтана қаласындағы Radisson Astana қонақ үйінде британдық Globuc компаниясының ұйымдастыруымен, Қазақстан Республикасының Энергетика министрлігі мен «KazMunayGas» АҚ ресми қолдауымен Орталық Азия мен Каспийдегі мұнай-газ химиясы және мұнай өңдеу» 11-ші халықаралық конференциясы өтті.

🔹 Конференцияның маңызды артықшылығы баяндамалардың жоғары сапасы және талқылауға қатысушылардың жоғары мәртебесі болды – бұл шын мәнінде әлемдік жетекші технологиялық компаниялар, сала үшін заманауи жабдықтар мен қызметтердің жеткізушілері!
🔹КГНТ дәстүр бойынша 11-ші рет осы маңызды оқиғаның медиа-серіктесі болды. 7 ТОП-менеджерден тұратын КГНТ-ның делегациясын Бас директор Александра Бекишева басқарды. Конференцияға өңірлік МӨЗ/МХЗ, ұлттық мұнай-газ және сервистік компаниялардың, Орталық Азия мен Әзірбайжаннан, осы сектордағы жобаларды іске асыратын басқа елдерден келген лицензиарлардың – өңірдің мұнай өңдеу саласының негізгі ойыншыларының, технологиялық көшбасшылардың және сала үшін қызметтерді жеткізушілердің 360-дан астам өкілдері қатысты.
🔴🟢 Тұрақты қатысушылардың арасында – KazMunayGas, KPI, KazAzot, KMG PetroChem, Silleno, Uzbekneftegaz, Uzbekistan GTL, Shurtan GCC, PetroKazakhstan, Samruk-Kazyna Ondeu, KazEnergy, SOCAR, Azerikimya, Türkmengaz, Turkmenkhimiya, KGNT және басқалары бар.
🔹 КГНТ-ның бастамасы бойынша конференцияның бағдарламасында алғаш рет «Еліміздің жаңа мұнай-газ-химиялық жобаларын жүзеге асырудағы қазақстандық инжинирингті дамыту рөлі» тақырыбына пікірталас ұйымдастырылып, жүргізілді.
Сессияның модераторы КГНТ Бас директоры Александра Бекишева болды, спикерлердің бірі – КГНТ Бас директорының жобалау жөніндегі орынбасары – Бас инженері Сергей Донсков болды. Пікірталас конференцияға қатысушылардың қызығушылығын танытты және қазақстандық инжинирингті дамытуға ықпалын тигізді, пікірталас аяқталған соң ұйымдастырушылар мен конференцияға қатысушылар КГНТ ұжымын Компанияның 50 жылдық мерейтойымен қол шапалақтап құттықтады.

«‹23456›»