11 Сәу
2023

КИМЭП-те бос жұмыс орындарының жәрмеңкесі

Осы жылы бос жұмыс орындары жәрмеңкесінің айы КИМЭП университетінде басталды.
Бос орындарының жәрмеңкесі – жұмыс берушілер үшін де, жұмыс іздеушілер үшін де еңбек нарығын көруге жақсы мүмкіндік береді: компаниялар күндізгі оқыту студенттері мен түлектермен таныса алады, ал жас мамандар-компаниялар туралы танысып, ұйымдардың өкілдеріне қызықтыратын сұрақтарын қоя алады.
КГНТ компаниясы КИМЭП-тің ТОП жұмыс берушілерінің қатарына кіреді. Бұл дегеніміз біз әрқашан да КИМЭП түлектерін өз қатарымыздан көруге қуаныштымыз. Бұдан бөлек, университет студенттерін жаздық тәжірибеге шақырамыз.
Егер КГНТ-ның жұмысына қызығушылық танытқан болсаңыз, хаттың тақырыбында «мен КГНТ-да тәжірибеден өткім келеді» немесе қызығушылық танытқан бос орынның атауын көрсете отырып түйіндемені мына мекен-жайға жіберіңіз job@kgnt.kz.

КИМЭП-ке жылы қабылдау және іс-шараныжақсы ұйымдастырғаны үшін алғыс білдіреміз!

11 Сәу
2023

Болашақта кеңейту жобасына қосқан үлесі үшін күміс награда

КГНТ қызметкері Александр Чесноков Болашақта кеңейту жобасына қосқан үлесі үшін, атап айтқанда бизнес-серіктестерге белсенді қатысқаны және қолдау көрсеткені үшін, мақсаттар мен кезеңдерге уақтылы қол жеткізуге және жобада ауыр жарақаттар мен өлім-жітімсіз 2022 жылдың сәтті аяқталуына ықпал еткен серпінді жұмыс кезінде керемет басшылық пен икемділік үшін Күміс наградаға ие болды. Александр механикалық-монтаждау жұмыстары аяқталғаннан кейін операциялардың көптеген түрлеріне арналған ресурстық жоспарларды, орындау реттілігін, қоршауларды орнату кестелері мен сметаларын, жобаға өзгерістер енгізу туралы хабарламаларды және жылу сынақтарын әзірлеуге бастамашылық білдіріп, белсенді қатысты.
ТШО біздің қызметкердің шикі газ объектілеріне қоршау орнату кезінде шығындарды үнемдеуге үлкен үлес қосқандығын атап өтті.

07 Сәу
2023

Спорт күні

6 сәуір Қазақстанда Спорт күні тойланады. Қалыптасқан дәстүр бойынша КГНТ-ның бас офисіндегі қызметкерлер үшін таңғы жаттығу-флешмоб ұйымдастырылды. Жаттығу әріптестерімізге көтеріңкі көңіл-күй мен энергия сыйлады!
Барлықтарыңызға денсаулық және спорттық рух тілейміз!

06 Сәу
2023

Серіктесіміз ТШО-ны туған күнімен құттықтаймыз

Бүгін Қазақстан Республикасының аумағындағы ең ірі мұнай-газ операторларының бірі, біздің сенімді серіктесіміз – «Теңізшевройл» компаниясы 30-жылдық мерейтойын атап өтуде. КГНТ өз атынан ТШО-ға сенімділік пен ұзақ мерзімді серіктестік үшін алғыс білдіреді және сәтті даму мен алға қойған мақсаттардың жүзеге асуын және қауіпсіздіктің жоғары стандарттарының сақталуын тілейді!

04 Сәу
2023

«Түркі халықтарының ұлттық костюмі» байқауының қорытындысы шықты

2023 жылғы 21 наурыз бен 31 наурыз аралығында өткен, Наурыздың тойлануына ыңғайластырылған «Түркі халықтарының ұлттық костюмі» байқауының қорытындысы шықты. Дауыс беру КГНТ Компаниясының ресми сайтында www.kgnt.kz өткен болатын, дауыс беруге әріптестер, сондай-ақ байқауға қатысушылардың жақындары, туыстары мен достары қатысты.
Қорытынды бойынша:
🥇1-орын: Адамбаев Нурлан
🥈2- орын: Бедарева Инна
🥉3- орын: Тохтахунова Дильназ жеңімпаз атанды.
Жеңімпаздарға Меломан сертификаттары табысталады. Әріптестерімізді жеңісімен құттықтаймыз және Компания басшылығына іс-шара мен қызметкерлерге арналған байқауларды ұйымдастыруды қолдағаны үшін алғыс білдіреміз! #KGNTDREAMTEAM#KGNT#КГНТ#Итогиконкурса

02 Сәу
2023

Геолог күні

Сәуірдің алғашқы жексенбі күні Қазақстанда – Геолог күні атап өтіледі. Құрметті геологтар шынайы құттықтауымызды қабыл алыңыздар!
Осы жетістіктеріңізбен тоқтап қалмай, жаңа белестерге жете беріңіздер. Сіздердің еңбектеріңіз барлық адамзатқа үлкен пайдасын тигізуде, ол жер ресурстарын ұтымды пайдалануға мүмкіндік береді. Сіздерге амандық, сәттілік және бақыт тілейміз! Мейрамдарыңыз құтты болсын, барлық жақсылықты тілейміз!

31 Нау
2023

КГНТ қызметкерлері ТШОның қола наградаларына ие болды

КГНТ қызметкерлері, электр-техникалық бөлік және БӨА бойынша құрылыс жөніндегі супервайзер Тлеулиев Асылбек және құбыр байламы бөлігі бойынша құрылыс жөніндегі супервайзер Аян Пернебай өнеркәсіптік мұнай өндіруді бастау ҚАЖ жобасының аяқталуын қолдау үшін газ-турбиналық генераторының механикалық монтаждау жұмыстарын аяқтау – Стратегиялық кезеңнің P83.3 белгісіне қол жеткізгені үшін ТШО – ның қола жүлдесіне ие болды.

ТШО әріптестеріміздің жоғары нәтижелерге қол жеткізуге және қауіпсіздік техникасын сақтауға деген ұмтылысы үшін, сондай-ақ қауіпсіз еңбек мәдениетін нығайтуға, жағымды сындарлы орта құруға және әлемдік деңгейдегі өнім өндіруге ықпал ететін жұмыстарды қауіпсіз орындауды дұрыс жоспарлауға деген жеке көзқарасын жоғары атап өтті.
КГНТ өз тарапынан Асылбек пен Аянға жұмысқа жауапкершілікпен қарағаны және біздің маңызды тапсырыс берушіміздің алдында Компанияның имиджін сақтағаны үшін алғыс білдіреді.

31 Нау
2023

ALMATY OPEN – 2023 спорттық бал билері бойынша Қазақстан Республикасы Чемпионаты Х турнирінің чемпиондары

#БудущееПоколениеКГНТ айдарында бүгін біз қызметкерлеріміздің балалары, туыстары мен жақындарының жағымды жаңалықтарымен бөлісетін боламыз.
Александра Бекишеваның қызы Тамара Беленькая және оның бидегі серіктесі Нейдас Ленкаитис ALMATY OPEN – 2023 спорттық бал билері бойынша Қазақстан Республикасы Чемпионаты Х турнирінің «Жастар-еуропалық бағдарламасы» санатындағы жеңімпазы атанды.
Александра Бекишеваны Тамарочка мен Нейдастың жеңісімен құттықтаймыз, жетістіктеріне қуанып, балаларды мақтан тұтамыз!

123