Командада тиімді жұмыс істеу қағидалары: Пәнаралық топтарда командалық жұмысты және қатысымды жақсарту жөніндегі кеңестер
Командалық жұмыс — қызметтің кез келген аясында, әсіресе пәнаралық топтар туралы сөз болған кезде жетістіктің маңызды аспектісі болып табылады. Мұндай командада әртүрлі салалардағы сарапшылардың білімі мен дағдылары қиылысуы мүмкін, бұл жасампаздық пен инновациялар үшін жаңа мүмкіншіліктерді ашады. Алайда пәнаралық командадағы жұмыс сонымен қатар белгілі бір сын-қатерлерді тудыруы мүмкін. Төменде командалық жұмыс пен қатысымды жақсарту жөніндегі бірнеше кеңес берілген.

Міндеттер мен мерзімдерді нақты жоспарлау командаға бір толқында болуға және алға қойылған мақсаттарға қол жеткізуге көмектеседі. Міндеттерді орындау үдемесі мен мерзімдерін қадағалау үшін жобаларды басқаруға арналған саймандарды қолданыңыз.
Осы кеңестер сіздерге команданың ішіндегі қатысымды және өзара әрекетті жақсартуға көмектеседі, бұл ақырында неғұрлым табысты нәтижелерге алып келеді. Командадағы тиімді жұмыстың — үнемі назар мен күш-жігерді талап ететін процесс екендігін ұмытпаңыз.

🎉 Қызметкерлерімізді оқуды сәтті аяқтауымен құттықтаймыз! 🎉
КАЗГИПРОНЕФТЕТРАНС компаниясының 11 қызметкерінің «Жобаларды басқару. Негізгі курс. IPMA ICB v.4.0 стандарттары бойынша халықаралық сертификаттауға дайындалу» семинар-тренингінің бағдарламасы бойынша оқудан өткендігі туралы қуана хабарлаймыз.
Курстың барысында қатысушылар төмендегідей жобаларды басқарудың негізгі аспектілерін оқып білді:
Стратегия және басқару: жобалардың стратегиялық мәнмәтінін және оларды белгіленген стандарттар мен қағидаларға сәйкес басқаруды түсіну.
Командалық жұмыс және көшбасшылық: тұлға тұтастығы, сенімділік және командада өзара әрекет ету дағдыларын дамыту, бұл мықты және тиімді жұмыс ортасын қалыптастыруға ықпалын тигізеді.
Тәуекелдер мен мүмкіндіктерді басқару: тәуекелдерді айқындауға және өзгерістерге уақтылы ден қоюға оқыту, бұл ықтимал шығындарды барынша азайтуға және жаңа мүкіндіктерді пайдалануға мүмкіншілік береді.
Жоспарлау және бақылау: тиімді жоспарлау, жұмысты ұйымдастыру және нәтижелерді мониторингілеу үшін арналған әдістер мен саймандарды игеру.
Сертификаттауға дайындалу: IPMA стандарттары бойынша сертификаттау процесін және жобалау менеджерлерінің құзыреттілігіне әсер ететін факторларды түсіну.
Бұл білім мен дағдылар қызметкерлеріміздің біліктілігін жоғарылатып қана қоймай, сонымен қатар КГНТ-ны дамытуға қосқан маңызды үлес болмақ.
🌟 Оқудан сәтті өткен қатысушылардың тізімі:
Александра Бекишева
Елена Захарова
Рауан Абылғазы
Екатерина Бондик
Адиль Тургумбаев
Айнура Кунарбекова
Елнур Нуртай
Рабоат Ізмуханбет
Талгат Бузаубаев
Рустем Атчибаев
Никита Косенко
Бүкіл ұжымды кәсіптік дамуға бағытталған осы маңызды қадаммен құттықтаймыз! 💪🚀 Біз алынған білімнің болашақ жобаларымызда белсенді қолданылады және компания үшін елеулі нәтижелер алып келеді деген сенімдеміз!

🌟 КГНТ Жас Мамандар Кеңесінің жиналысы: Қорытындыларды шығару және жаңа жетістіктер! 🌟
Бұл оқиға дәстүрлі түрде өткен жылдағы қорытындыларды шығару, қол жеткізілген нәтижелер мен болашаққа жасалған жоспарларды талқылау үшін арналған алаңға айналды.
✨ Жыл қорытындылары:
Бұл жыл жетістіктерге толы болды! ЖМК көптеген бастамаларға ұйытқы болды, бұл Волонтерлік акциялар: Қоғамға жүйелі түрде көмектесу және әлеуметтік бастамаларға қатысу, Командалық рухты нығайту үшін спорттық жарыстар мен белсенділіктерді өткізу.
Әрқайсысыңызға белсенді қатысқандарыңыз және ілгері қозғалуға ұмтылыстарыңыз үшін үлкен рақмет айтамыз!
🗳️ Жаңа төрағаны және оның орынбасарын сайлау:
Сонымен қатар жиналыста Кеңестің жаңа төрағасы сайланды. Дауыс беру қорытындылары бойынша Вьюркова Эльвира жаңа төраға болып сайланды, ал Исабаев Акежан оның орынбасары болды. Жаңа көшбасшыларымызды құттықтаймыз! Біз сіздердің энергияларыңыз бен бастамашылдықтарыңыздың арқасында одан да көп қызықты жобалар мен идеяларды іске асыра алатынымызға сенімдіміз.
💪

🌟 Біз өмірді құтқарып қалуды үйрендік! 🌟
Бүгін біз керемет тәжірибемізбен қуана бөлісіп отырмыз —командамыздың қызметкерлері Қазақстанның Қызыл Жарты Ай қоғамы ұйымдастырған алғашқы көмекті көрсету курсынан өтті!
Қазақстанның Қызыл Жарты Ай қоғамы — Қызыл Крест және Қызыл Жарты Ай Халықаралық Қозғалысының бір бөлігі болып табылатын ең ірі гуманитарлық ұйым. Бұл тренинг бізге теориялық білім беріп қана қоймай, сонымен қатар шұғыл жағдайларда әрекет ету алгоритмдерін іс жүзінде пысықтауға бірегей мүмкіндік берді.
Тәжірибелі нұсқаушы Роман Чуриловтың басшылығымен заманауи манекендерді пайдалана және дағдыларымызды бір-бірімізге қолдана отырып, әртүрлі жағдайларда алғашқы көмекті көрсетудің дұрыс әдістерін үйрендік. Бұл пайдалы әрі өте қызықты болды!
Біз алған біліміміз кәсіптік қызметте ғана емес, сонымен қатар күнделікті өмірде бізге көмектеседі деген сенімдеміз. Өйткені алғашқы көмекті көрсете алу қабілеті өмірді құтқарып қалуы мүмкін.
Қызыл Жарты Ай қоғамына олардың маңызды жұмысы мен бізге неғұрлы даярланған және жауапты болуға мүмкіндік бергендері үшін үлкен алғысымызды білдіреміз. Әлемді бірге қауіпсіз етейік! ❤️