Winter Run 2024

Салауатты өмір салтын ұстану – компаниямыздың негізгі басымдығының бірі болып табылады және қызметкерлеріміз осыны кезекті рет растады! Суық ауа райына қарамастан, олар Winter Run 2024 марафонында қашықтықты сәтті жүгіріп өтті. Данияров Даурен мен Бедарева Иннаға жалпықалалық спорттық іс-шараларға белсенді қатысқандығы үшін алғысымызды білдіреміз! 🏃‍♂️🏃‍♀️ #КГНТ #салауаттыөмірсалты #WinterRun2024 #спорт #белсендідемалыс”

Сейсможаттығу

2024 жылғы 23 ақпанда Алматы қаласында жоспарлы жалпы қалалық сейсможаттығу өтті, оған біздің компаниямыздың қызметкерлері де қатысты. Біз төтенше жағдайлардағы әрекеттерге әрқашан дайынбыз және дайындық пен жауапкершіліктің жоғары деңгейін сақтап қалу үшін жаттығуларға қатысып тұрамыз. КГНТ қызметкерлерінің және Азаматтық қорғау жөніндегі штабтың бірлескен күш-жігерінің арқасында эвакуациялық іс-шаралар сәтті өтті.

«PetroPolymers & PetroChemicals» халықаралық форумы

16 ақпан күні Атырау қаласында мұнай-газ химиясы саласына және Қазақстанның полимер нарығына арналған «PetroPolymers & PetroChemicals» I халықаралық форумы өтті. «ҚазМұнайГаз» ҰҚ» АҚ және «Атамекен» ҚР Ұлттық кәсіпкерлер палатасының қолдауымен Petrocouncil мұнай-газ кеңесі осы форумның ұйымдастырушысы болды. Форумға Экономика және бизнесті дамыту жөніндегі басқарушы директоры Демесін Айдос Оразбайұлы бастаған КГНТ делегациясы белсене қатысты.

Форумның жалпы отырыс барысында «QazagGaz» ҰК» АҚ, «KPI» ЖШС, АМӨЗ, «ТатНефть» ЖАҚ, «GPC Investment» ЖШС, «Шеврон» Еуразиялық бөлімшесі сияқты ірі мұнай-газ химиясы саласының отандық және халықаралық компанияларының сондай-ақ бірқатар қазақстандық кәсіпорындардың басшылары мен жетекші мамандары сөз сөйледі, олар іске асырылып жатқан жобалар туралы әңгіме қозап, жұмыс барысында туындайтын түрлі мәселелердің ұтымды шешімдерімен де бөлісті.

Форумның айрықша ерекшелігі шағын және орта бизнестің қатысуымен жаңа жобалар құрудың, отандық полипропиленді қайта өңдеу жөніндегі шағын индустриялық аймақты қалыптастыру мен дамытудың, полимерлерді қайта өңдеу жөніндегі жобалардың, EPC-жобалардың, МӨЗ құрылысының өзекті мәселелерін, сондай-ақ “Ұлттық индустриялық мұнай-химия технопаркі”арнайы экономикалық аймағын одан әрі кеңейту перспективаларын талқылау болды («НИНТ» АЭА)

Форумға Қазақстанның барлық аймағындағы 420 компаниядан, сондай-ақ Еуропа, Қытай, Түркия, ТМД елдерінен жалпы жиыны 600-ден астам өкіл қатысты.

Қонақ дәрісі

Өткен аптада ҚБТУ-дың қонақ дәрісінде КГНТ-ның кіші инженер-технологы Зарема Ибрагимова студенттермен өзінің кәсіби тәжірибесі туралы бөлісті және оның ҚБТУ-дағы «Органикалық заттардың химиялық технологиясы» мамандығы бойынша алған білімі оны индустрия саласындағы жұмысқа қалай дайындағанын ашып айтты. Ол үздіксіз оқу мен қабілеттерді шыңдаудың маңыздылығын және оның өз кәсібіндегі кез келген қиындықты оңай еңсеруге көмегі барын атап өтті.

Одан бөлек Зарема өзінің жеке жетістіктерімен және табысы туралы да бөлісті, ол студенттерді жоғары мақсаттарға жетуге ынталандырды. Заремаға жаңа білім мен дамуға деген ұмтылысы үшін алғыс айтамыз! 💼🎓

5с жеңімпаздары

Жұмыс орындарында 5С жүйесін белсенді түрде қолдап, енгізіп жүрген қызметкерлерімізді мақтан тұтамыз, сондай-ақ «5С жүйесі бойынша ұйымдастырылған үздік жұмыс орны» номинациясының жеңімпаздарын қуана жариялаймыз.
Желтоқсан айының қорытындысы бойынша – Зауреш Дайкенова;
Қаңтар айының қорытындысы бойынша – Айсулу Еловикова жеңімпаз атанды.
Жеңімпаздарымызды құттықтаймыз және 5С жүйесін қолдайтын және үздік жұмыс атмосферасын құрушы барлық қызметкерлерімізге алғыс айтамыз.

«ОРТАЛЫҚ АЗИЯ МЕН КАСПИЙДЕГІ МҰНАЙ-ГАЗ ХИМИЯСЫ ЖӘНЕ МҰНАЙ ӨҢДЕУ. ОРТАЛЫҚ АЗИЯ МЕН КАСПИЙДІҢ ӘЛЕУЕТІН АШУ: НАРЫҚТАҒЫ КӨШБАСШЫЛАРМЕН КЕЗДЕСУ» жыл сайынғы 11-конференциясы

КГНТ дәстүр бойынша, британдық Globuc компаниясы ұйымдастырушы болып табылатын, жыл сайынғы «ОРТАЛЫҚ АЗИЯ МЕН КАСПИЙДЕГІ МҰНАЙ-ГАЗ ХИМИЯСЫ ЖӘНЕ МҰНАЙ ӨҢДЕУ. ОРТАЛЫҚ АЗИЯ МЕН КАСПИЙДІҢ ӘЛЕУЕТІН АШУ: НАРЫҚТАҒЫ КӨШБАСШЫЛАРМЕН КЕЗДЕСУ» 11-конференциясында сөз сөйлейді. Конференция 2024 жылғы 18-19 қыркүйек аралығында Астана қаласында өтеді.
«Орталық Азия мен Каспийдің мұнай-газ химиясы және мұнай өңдеу» конференциясы 10 жылдан астам уақыт бойы мұнай-газ саласының кәсіби мамандары, Еуропа, АҚШ, Шығыс Азия, Түркия және Таяу Шығыстағы жетекші халықаралық технологиялық және инжинирингтік компаниялары бар өңірлік жобалардың иелері үшін кездесу алаңы ретінде қызмет етіп келеді.