Аль-Фараби атындағы ҚазҰУ-дағы шақырылған спикер дәрісі
«Аль-Фараби атындағы Қазақ ұлттық университеті» Физика-техникалық факультетінің студенттері үшін КГНТ-ның Сапа және оқыту жөніндегі басқарушы директоры Орынгажинова Зауре шақырылған спикер дәрісін өткізіп қайтты.

Іс-шараның барысында спикер сапаны басқару саласындағы практикалық жұмыс тәжірибесімен бөлісті және біріктірілген менеджмент жүйесін қалыптастыру, сонымен қатар компанияның қызметінде Kaizen-технологиялары мен процестік тәсілдемені қолдану бойынша заманауи әдістерді ұсынды.

Осындай кездесулерді өткізу бизнес пен академиялық орта арасында өзара әрекетті нығайтуға ықпалын тигізеді: КГНТ үшін — бұл HR-брендін дамыту, кадрлық резервті қалыптастыру және болашағы зор мамандарды тарту, университет үшін — практикаға бағытталған оқытуды күшейту және студенттерде заманауи еңбек нарығында талап етілетін құзыреттерді қалыптастыру.

Демалыс күндері Алматыда Almaty Half Marathon өтті және әдеттегідей, әріптестеріміз қатарда болды 💪
Биылғы жылы команда бірден бірнеше қашықтық бойынша қатысты:
🏃‍♀️ 10 км
🏃‍♂️ скандинавиялық жүріс
🏃‍♀️ жартылай марафон — 21 км 97,5 м
🔥 және, әрине, Экиден эстафетасы
Әрбір қатысушы сөреге өз мақсатымен қадам басты, бірақ барлығын бір мақсат біріктірді — алға қарай қозғалу, командалық рух пен неғұрлым жақсы бола түсу ниеті.
Алғашқы рет қашықтықта бізге командамыздағы маскот — Афина жапалағымыз қолдау көрсетті🦉
Осындай қолдаудың арқасында бізге жүгіру неғұрлым оңай болды!
Волонтёр болған әріптестерімізге — бүкіл қашықтықтағы энергиясы, қолдауы мен атмосфера үшін шын жүректен алғысымызды айтамыз 🙌
Әрбір қатысушыны мақтан тұтамыз!
Дәстүрді жалғастырамыз 🚀

КГНТ Баку қаласындағы стратегиялық форумда халықаралық ынтымақтастықты нығайтуда

Ағымдағы жылдың 16 сәуірінде «ҚАЗГИПРОНЕФТЕТРАНС» инжинирингтік компаниясы» ЖШС Бас директорының стратегиялық даму жөніндегі орынбасары Квинтин Голди Әзербайжанның Баку қаласында өткен Strategy& брендінің іске қосылу рәсіміне қатысты. Strategy& — PwC желісінің жаһандық стратегиялық консалтингтік бағыты болып табылады.

Іс-шараға қатысудың негізгі мақсаты Каспий өңірінің энергетика секторындағы өзекті сын-қатерлерді, сондай-ақ цифрлық трансформация мен озық бизнес-модельдерді енгізу мәселелерін зерделеу болды. Форум аясында Strategy& сарапшылары ірі өнеркәсіптік кәсіпорындардың тұрақты дамуы (ESG) және операциялық тиімділігін арттыру мәселелері бойынша талдамалық баяндамалар ұсынды.

КГНТ үшін бұл іс-шараға қатысу стратегиялық нетворкинг тұрғысынан маңызды мүмкіндік болды: Strategy& өңірлік кеңсесінің өкілдерімен және Еуразия өңіріндегі сала көшбасшыларымен іскерлік байланыстарды нығайту, сондай-ақ энергетикалық нарықтардың трансформациясы жағдайында ынтымақтастық перспективаларын зерделеу.

Осындай деңгейдегі іс-шараларға қатысу КГНТ-ға жаһандық үрдістердің алдыңғы қатарында болуға мүмкіндік береді. Компания халықаралық үздік тәжірибелер мен инновациялық тәсілдерді енгізуге бағытталған, бұл өз кезегінде қарқынды өзгеріп жатқан бизнес-ортада тұрақты өсуді қамтамасыз етеді.

Әзербайжанда өткен форумға қатысу КГНТ-ның халықаралық интеграцияны белсенді түрде ілгерілетіп, кәсіби дамуды үздіксіз жетілдіріп отырған заманауи инжинирингтік компания ретіндегі мәртебесін тағы бір мәрте айқындайды.

Құрылғанына 45 жыл: КГНТ ҚазБСҚА-ны мерейтойымен құттықтады! 🏗️🎓
Жуырда КГНТ-ның қызметкерлері мен Бас директоры Александра Бекишева Қазақ бас сәулет-құрылыс академиясының (ҚазБСҚА) 45 жылдығына арналған салтанатты іс-шараға барып қайтты.
КГНТ үшін ҚазБСҚА, еліміздің жетекші ЖОО-сы – көпжылдық стратегиялық серіктесі және нағыз «кадрлар ұстаханасы». Біздің жоғары білікті инженерлеріміз бен жобалаушыларымыздың едәуір саны – Қазақстанның заманауи өнеркәсібі мен сәулетінің келбетін қалыптастырып жүрген осы академияның түлектері.
✨ Александра Бекишева өз құттықтауында: «Білім беру мен өндірістің байланысы — саламызды дамыту іргетасы болып табылады. Біз ҚазБСҚА түлектерінің жаңа идеялар мен терең академиялық білімді ендіре отырып, КГНТ командасының бір бөлігі болып жүргендерін мақтан тұтамыз. Академияның ұжымы мен студенттерді осы атаулы күнмен құттықтаймыз!»
Біз ҚазБСҚА-ға инженерлік ойды дамытуға қосып жүрген үлесі үшін алғыс айтамыз және академияға өркендеу, жаңа өршіл жобалар мен дарынды студенттер тілейміз!

KGNT «Теңізшевройл» ЖШС Басшылығымен
Іскери Кездесуге Қатысты

2026 жылғы 13 сәуірде КГНТ компаниясы PetroCouncil ұйымының шақыруымен «Теңізшевройл» ЖШС басшылығымен өткізілген іскери кездесуге қатысты.
Кездесуде КГНТ компаниясының атынан бизнесті дамыту бойынша бас менеджер Жарас Әндіжан және стратегиялық даму жөніндегі бас директордың орынбасары Квинтин Голди өкілдік етті.
Іс-шара барысында қатысушылар ТШО-ның жаңа тағайындалған бас директоры Уильям Лакобимен танысты. Жергілікті мазмұн, сатып алу саясаты және қазақстандық компаниялармен ынтымақтастықты кеңейту перспективалары қоса алғанда, болашақ ынтымақтастықтың негізгі бағыттары талқыланды.
Құрмет белгісі ретінде және серіктестік қарым-қатынасты нығайту рухында KGNT компаниясы ұлттық әріптестер өкілдеріне «KGNT-нің 50 жылдығы» атты мерейтойлық басылымның даналарын сыйға тартты.
Осындай іс-шараларға қатысу КГНТ-нің Қазақстанның жетекші жер қойнауын пайдаланушыларымен ұзақ мерзімді ынтымақтастықты дамытуға және отандық компаниялардың мұнай-газ саласындағы ұстанымын нығайтуға деген стратегиялық бағытын айқын көрсетеді.

ҚБТУ-да өткен Халықаралық жастар ғылыми-практикалық конференциясының шеңберінде әріптесіміз, КГНТ-ның жетекші инженер-технологы және осы ЖОО-ның түлегі Зарема Ибрагимова, студенттер үшін шақырылған спикердің дәрісін өткізіп қайтты. 👩‍🏫
Зарема студенттік кезеңнен бастап жетекші маман лауазымына дейін жүріп өткен жолы туралы шынайы айтып берді: 🔹 Болжам vs Ақиқат: түлекті нақты өндірісте не күтіп тұр. 🔹 Қиындықтарды еңсеру: жоғары жауапкершілікті қалайша көтеріп, күрделі техникалық тапсырмаларды қалай орындап жүруге болады.
🔹 КГНТ-ның артықшылықтары: тәлімгерлік, жаһандық жобалармен жұмыс істеу және оқиғаға толы корпоративтік өмір.
КГНТ үшін жас мамандарды қолдау және ЖОО-лармен байланыста болу — Қазақстанның бүкіл инженериясының болашағына үлес қосу. Жаңа ұрпаққа шабыт беретін сарапшыларымызды мақтан тұтамыз! 🚀

9 сәуір күні КГНТ ҚБТУ-да болды 🔥

КГНТ-ның бас директоры Александра Бекишева @kbtu_official университетінде Халықаралық жастар ғылыми-практикалық конференциясында сөз сөйлеп, бүгінде инженерия әлемінің қандай болып жатқандығы туралы айтып берді.
Бұл енді жай жобалау ғана емес –
бұл цифрлық технологиялар, инновациялар мен ірі халықаралық жобаларға қатысу 🌍
Сондай-ақ біздің әріптесіміз –
ҚБТУ-дың түлегі, КГНТ-ның жоба инженері Сағындыкова Данагул сөз сөйледі 👩‍💻
Ол ANSYS бағдарламалық жасақтамасын қолдана отырып, жарылысты сандық модельдеуге арналған өзінің магистрлік диссертациясы бойынша баяндаманы ұсынды. Бұл ғылым мен тәжірибенің нақты инженерлік тапсырмаларда бірігетіндігін көрсететін көрнекі мысал.
Александра сонымен қатар студенттерге КГНТ-дағы мүмкіндіктер туралы айтып берді:
✨ бірінші күннен бастап нақты жобалармен жұмыс істеу
✨ оқыту және тәлімгерлік арқылы дамыту
✨ технологиялық және тұрақты шешімдерге қатысу
✨ мықты кәсіби командада өсу

Бастысы – КГНТ-да бастаманы және дамуға ұмтылысты бағалайды 💡

Біз болашақты бізбен бірге қалыптастырғысы келетін жастарды күтеміз 🚀

КГНТ —«ҚАЗМҰНАЙГАЗСЕРВИС-2026»!
конференциясының Алтын серіктесі
3 сәуір күні Астана қаласында саланың ең басты оқиғаларының бірі — мұнай-газ құрылысы және инжиниринг бойынша XIII жыл сайынғы конференция үлкен дәрежеде өтті. Компаниямыз, «КАЗГИПРОНЕФТЕТРАНС» ИНЖИНИРИНГ КОМПАНИЯСЫ» ЖШС Қазақстанның энергетикалық секторының болашағына инвестициялауға дайын болуын тағы да растай отырып, алаңның Алтын серіктесі ретінде қатысты. Сонымен қатар Конференцияға компаниямыздың атынан Бас директор Бекишева А.М., Бас директордың стратегиялық дамыту жөніндегі орынбасары Куинтин Голди және Бизнесті дамыту жөніндегі бас менеджер Әндіжан Ж.Б. қатысып қайтты.
Биылғы жылы форумның ұйымдастырушысы, «KazService» мұнай-сервистік компаниялар одағы өзінің 15 жылдығын тойлап жатыр. Мерейтойлық кездесу ауқымды болды:
1. 500-ден астам қатысушы және 200-ден астам компания;
2. Қазақстан Республикасы Энергетика министрлігінің деңгейінде қолдау;
3. Дүниежүзілік алыптар (Shell, Eni, Petrofac) мен негізгі операторлардың (Теңізшевройл, NCOC, Karachaganak Petroleum Operating) қатысуы;
4. Жоғары дипломатиялық қонақтар — Италия, Түркия және БАӘ елшілерінің, сонымен қатар танылған салалық сарапшылар мен ардагерлердің қатысуы.
Талқылаулар жаңа инжинирингтік жобалар мен құрылыс бағдарламаларын жүзеге асыруға бағытталды. Форум трендтерді талқылап қана қоймай, сонымен қатар нәтижелі B2B-кездесулерді өткізу үшін керемет мүмкіндікке айналды.
Қазақстан Республикасы Энергетика министрлігінің атынан вице-министр Акбаров Ерланның «КАЗГИПРОНЕФТЕТРАНС» ИНЖИНИРИНГ КОМПАНИЯСЫ» ЖШС-тың Бас директоры Бекишева Александра Маратовнаны «Мұнай-газ кешенін дамытуға қосқан үлесі үшін» медалімен марапаттауы конференцияның айтулы сәтіне айналды. Осындай жоғары марапат көпжылдық кәсіпқойлық пен компанияның отандық мұнай-газ саласын дамытуға қосып жүрген зор үлесін мойындау болып табылады.
Қатысушыларға құрмет білдіру және салалық естелікті сақтау дәстүрін жалғастыру ретінде компания конференцияның негізгі спикерлеріне КГНТ-ның жарты ғасырлық тарихы мен жетістіктеріне арналған басылым – КГНТ-ның 50 жылдығына орай шығарылған мерейтойлық кітапты табыстады.
КГНТ үшін осындай мәртебелі бастамаларға қатысу — тек абырой ғана емес, сонымен қатар жаһандық стратегия болып табылады. Біз жаңа іскерлік байланыстар үшін ашықпыз және еліміздің бүкіл мұнай-газ индустриясын тұрақты дамыту үшін берік серіктестік қарым-қатынас орнатуды жалғастырамыз.

Адамдарымыз — мақтанышымыз! Ай қорытындылары 🏆
Жұмысымыздың әрбір минутында біз компаниямыздың тарихын қалыптастырамыз, бірақ айына бір рет бізді неғұрлым мықты, кәсіби әрі шығармашыл ететін тұлғаларға дауыстап «рақмет» айту үшін біз міндетті түрде үзіліс жасаймыз. Осы ай ерекше өнімді болды және біз қуана қорытынды шығарып, әріптестеріміздің жетістіктерін атап өтеміз!
Барлық марапатталған қызметкерлерді құттықтаймыз және керемет жұмыстары үшін алғыс айтамыз! Сіздер компаниямызды күн сайын неғұрлым жақсы етіп жүрсіздер! 👇 Команда, әріптестерімізді лүпілдермен және комментарийге құттықтау жазып қолдап жіберейік!

Worley басшылығының Алматы қаласындағы КГНТ офисіне келуі
Алматы қаласындағы КГНТ офисіне Worley компаниясының өкілдері — Аға вице-президент Патрик Трантер және Өңірдің персонал жөніндегі директоры Шохаиб Мехкари қонаққа келді.
Кездесудің негізгі мақсаты Worley компаниясының жаңа өңірлік басшылығын ресми түрде таныстыру, сонымен қатар компанияларымыздың арасындағы ынтымақтастықтың одан әрі жалғасуын талқылау болды. Келіссөздер барысында тараптар Орталық Азия өңірінде бизнесті дамытудың стратегиялық пайымымен алмасты, ағымдағы нарықтағы сын-қатерлер мен серіктестікті дамыту мүмкіндіктерін талқылады.
Операциялық тиімділік, жергілікті инжинирингтік әлеуетті дамыту және ортақ жобалардың шеңберінде өзара әрекет ету бойынша тұрақты механизмдерді қалыптастыру мәселелеріне ерекше назар аударылды. Кездесу конструктивтік және ашық атмосферада өтті және тараптардың диалогты жалғастыру мен ынтымақтастықты кеңейтуге деген өзара қызығушылықты дәлелдеді.
КГНТ Worley компаниясымен қалыптасқан серіктестік қарым-қатынасты жоғары бағалайды және осы кездесуді стратегиялық өзара әрекет етуді өңірлік деңгейде нығайтуға бағытталған маңызды қадам ретінде қарайды.

Winter Run 2026
Өткен жексенбіде әріптестеріміз Almaty Marathon ұйымдастырған Winter Run 2026 қысқы жүгірісіне қатысып қайтты.
Аязды ауа райына және таңғы стартқа қарамастан, олар өз қашықтықтарын сенімді түрде еңсерді: 10 км жүгіру және 7 км скандинавиялық жүріс.
Бұл күшке, төзімділік пен нағыз командалық рухқа толы күн болды. Қолдау әрбір кезеңде сезіліп тұрды — дәл осы қолдау қарқынды ұстап тұрып, мәреге сеніммен жетуге көмектесті.
Жанкүйерлерімізге айрықша алғыс білдіреміз 🤍
Сіздердің қолдау сөздеріңіз, күлімсіреген жүздеріңіз бен энергияларыңыз осы стартты неғұрлым ерекше ете түсті. Команда қолдап тұрған кезде — кез келген километр жеңіл беріледі.
Әрбір қатысушыны мақтан тұтамыз және осы күні жанымызда болған барлық қызметкерлерге алғысымызды айтамыз.
Ілгері басамыз — бірге 💙

КГНТ диалог жүргізуде: КПО және KazService компанияларымен іскерлік таңғы астың қорытындылары

Ағымдағы жылдың 16 ақпанында «КАЗГИПРОНЕФТЕТРАНС» ИНЖИНИРИНГ КОМПАНИЯСЫ» ЖШС Қазақстанның мұнай-сервистік компаниялар одағы (KazService) мен Karachaganak Petroleum Operating B.V. (КПО) ұйымдастырған негізгі салалық оқиға – іскерлік таңғы асқа қатысып қайтты.
Кездесу саланың ең өзекті тақырыбы: жергілікті қамтуды дамыту және отандық өндірушілер үшін тосқауылдарды жою мәселелерін талқылау мақсатында нарықтың 30-дан астам жетекші ойыншыларын біріктірді.
Назарда — айқындық және ұзақ мерзімді серіктестік
Диалог барынша тиімді өтті. Қатысушылар, соның ішінде КГНТ сарапшылары, КПО жобаларына қол жеткізу механизмдері мен тендерлік рәсімдерді оңтайландыру жолдарын талқылады. Төмендегі бастамаларға ерекше көңіл бөлінді:
1) Келісімшарттарды жергіліктендіру: Орта және шағын бизнесті тарту үшін ірі лоттардан неғұрлым икемді сатып алуларға өту.
2) Ұзақ мерзімді жоспарлау: Келісімшарттарды ұзақ мерзімге ендіру, бұл қазақстандық компанияларға жаңғырту мен қуаттарды кеңейтуге сенімді түрде қаржы салуға мүмкіндік береді.
3) Тосқауылдарды алу: Көбінесе жергілікті жеткізушілердің қатысуын шектейтін көптеген техникалық талаптарды қайта қарау.
КГНТ-ның кәсіби қоғамдастықтың дамуына қосқан үлесі
Компаниямыз инженерлік ой мен сараптама негізгі рөл атқаратын саланы дамытуға бағытталған жүйелік тәсілдемені әрқашан қолдап келген. Осы құндылықтарға бейілділік белгісі ретінде және кәсіби байланыстарды нығайту мақсатында КГНТ КПО мен KazService компанияларына КГНТ-ның 50-жылдығына арналған құнды кітаптарды сыйға берді.
«Мұндай кездесулер — бұл нетворкинг үшін арналған жай ғана алаң емес, сонымен қатар кері байланыстың нағыз сайманы. КГНТ үшін мұнай сервисіндегі әрбір келісімшарттың қазақстандық құзыреттерге инвестиция болуы және жаңа жұмыс орындарының ашылуына мүмкіндік беруі маңызды», — деп делегациямыздың өкілдері атап өтті.